Sögur úr skólanum

Sæl öll

Í dag sat ég í efnisfræðitíma í skólanum og bjó mig undir að hlusta á fyrirlestur um togþol efna. Áður en tíminn byrjaði spurði kennarinn hvort það væru einhverjar spurningar sem fólk hefði frá síðasta fyrirlestri. Eins og svo oft þegar þetta gerist þá þegja allir og bíða bara.  Kennarinn endurtekur sig svo "er einhver með spurningu?" þá heyrist í einhverjum spaða "heldur þú að það eigi eftir að fæðast manneskja sem getur synt hraðar en hákarl?". Kennaranum bregður aðeins en segir svo "ég veit það ekki, hvað finnst þér". Spaðinn svarar með hæl " Ég held að það sé ekki séns" kennarinn rosa rólegur spyr "þú verður að rökstyðja það. Það er ekki nóg að svara bara já og nei". Spaðinn greinilega búinn að rannsaka þetta eitthvað segir " Sko, hraðasti 100m sundmaðurinn syndir 25km/klst en hákarl syndir 50km/klst þannig að það er ekki séns.....".

Það er ekkert annað hægt enn að elska svona menn.

 Sögumaður kveður