Hvað eru þetta svo margar krónur......

Ég gerði smá rannsókn á þessu og nýti mér verðskrá OR. http://www.or.is/Einstaklingar/Verdskraogskilmalar/Rafmagn/

180GWst stundir eru samtals með dreifingu, flutningi og sölu: 1.564.200.000 kr

Við rannsóknina var gaman að sjá að Íslendingar borga orkuveitum samanlagt: 935.961.412 kr á ári fyrir það eitt að eiga heimili. Hér nýti ég mér fjölda heimila á íslandi af síðunni. http://www.postur.is/Islandspostur/SpurtOgSvarad.html og verðskrána fyrir ofan.

1.564.200.000kr er dágóð summa en ef skoðað er heildar raforka meðalheimilis á síðu. http://www.orkusetur.is/Apps/WebObjects/Orkustofnun.woa/wa/dp?id=2372

Hún markfölduð með fjölda heimila á íslandi þá fáum við þá niðurstöðu að orkuveitur þurfa að hækka verðið um 35,6% til að vega á móti þessari góðu hugmynd íslendinga. Þessi prósenta verður auðvita miklu minni því ef orkuveitan hækkar verðið þá hækkar verðið sem fyrirtæki eru að borga fyrir rafmagnið. Fyrirtæki á Íslandi eru 10.541 og nota þau mun meiri orku en heimilin. Þannig að prósentan gæti vel farið undir 10%. Ef við gefum okkur að það verði 10% þá erum við að tala um 0,869kr/KWst hækkun sem myndi skila okkur í 25,6% gróða sem er alveg 850kr á mánuði og fyrirtækin taka á sig auka kostnað. Fyrirtækin hækka verðin til að vega á móti hærra orkuverði. Nema auðvita að þau skipti líka sparperum inn í staðin fyrir glóperur sem myndi gera það að verkum að orkufyrirtækin hækka um 35,6% og þá erum við komin á byrjunareit. Þannig að í þessari stöðu getum við bara geypt okkur dýrar sparperur. Ekki líður á löngu þar til að þeir sem flyttja inn sparperur hækka verðið og við endum í meiri mínus.   

Þannig að það er kannski bara best að sleppa þessu. Hvernig sem við lítum á þetta þá munum við alltaf tapa. Það er líka gefins að orkufyrirtækin sitja ekki á umframorku. Hægt er að bjóða aukinni stóriðju inní landið í staðinn en af hverju viljum við borga minna fyrir rafmagn það erum auðvita við sem eigum þetta rafmagn og fáum að njóta gróðans.

Sparperur gætu sparað 180 gígavattstundir á ári

Af hverju er himinninn blár?

Sæl öll

Ég hef ákveðið að koma með smá fróðleik einu sinni í viku. Þetta er mitt framlag til baráttunar gegn fáfræði í heiminum. Sjálfur þarf ég að læra meira og er þetta góð leið fyrir mig að læra. Viðfangsefni dagsins er af hverju er himinninn blár? Ég gat svarað þessu fyrir 10 árum en ekki eins fræðilegt og það er hér fyrir neðan.

Ljósið sem berst til okkar frá himninum er upphaflega hvítt sólarljós sem hefur síðan dreifst frá sameindum lofthjúpsins. Bláa ljósið, sem er hluti hvíta ljóssins, dreifist miklu meira en annað og því er himinninn blár.
Samkvæmt nútíma eðlisfræði má líta á ljósgeisla sem straum ljóseinda. Hver þeirra hefur sína öldulengd og sveiflutíðni sem við skynjum sem lit. Hvítt ljós er samsett úr öllum litunum, sem við getum skilið að með ýmsum hætti, samanber regnbogann. Sýnilega litrófsbilið spannar regnbogalitina frá fjólubláu eða bláu með stysta öldulengd yfir í rautt sem hefur lengsta öldulengd.

Ljóseindir sem falla á sameindir lofthjúpsins geta dreifst frá þeim í ýmsar áttir vegna víxlverkunar við rafeindaský sem er í hverri sameind. Rafeindirnar geisla ljósinu aftur út í ýmsar áttir með sömu tíðni. Þetta fyrirbæri, sem nefnist Rayleigh-ljósdreifing (e. Rayleigh scattering), er sterklega háð öldulengd ljóssins og er um það bil 10 sinnum virkara í bláa enda sýnilega litrófssviðsins en þeim rauða. Líkur fyrir því að ljóseind breyti um stefnu við "árekstur" við sameind eru með öðrum orðum 10 sinnum meiri fyrir bláa ljóseind en rauða. Þetta er ástæðan fyrir bláa litnum á himninum. Án Rayleigh-dreifingar væri skýlaus himinn svartur ásýndar og sumarnóttin hér á landi myrk.

Þegar við horfum til himins skynjum við ljós sem dreifst hefur af sameindum í lofthjúpnum, breytt um stefnu og lent á augum okkar. Bláar ljóseindir yfirgnæfa þær rauðu í stefnubreyttu geislunum, svo við skynjum bláan lit.

Með þessu getum við líka skýrt kvöldroðann. Þegar sól er lágt á lofti fara geislar hennar lengri vegalengd í lofthjúpnum en gerist á miðjum degi með meiri sólarhæð. Rayleigh-dreifingin beinir bláa litnum annað í enn ríkari mæli en venjulega, svo að rauði liturinn verður meira ríkjandi í þeim geislum sem koma frá sólu.

Ari Ólafsson. „Af hverju er himinninn blár?“. Vísindavefurinn 28.4.2000. http://visindavefur.is/?id=384. (Skoðað 10.9.2008).

Brids árin

Eins og Guðmundur félagi minn bendir á hér fyrir neðan þá vorum við miklir brids spilarar fyrir 5 árum. Við kepptum tvisvar á Íslandsmeistaramóti yngri spilara. Bæði mótin voru tveir dagar laugardagur og sunnudagur.

Á fyrra mótinu vorum við að gera alltof góða hluti fyrri dagin ef það er hægt og vorum í lang fyrsta sæti og menn ræddu það sín á milli að þarna væri framtíðin í íslenska bridsinu. Á laugardagskvöldinu lentum við óvart í partýum og skriðum heim úr bænum á sunnudagsmorguninn og áttum að spila eftir 4 tíma. Ég vil taka það fram að hvorugur okkar vissi af uppátæki hins og það var heldur skemmtileg sjón að sjá sigurvegara fyrri dags svona tussulega. Fyrstu 2 tímana af sunnudeginum vorum við með forskot en svo seig á það og við mistum keppinautana fram úr okkur. Það leit allt út fyrir að við myndum enda með 3 sætið þegar síðasta spilið var spilað. Þar lentum við illa í því og enduðum í 5 sæti 1 stigi frá 4 sæti sem var mjög svekkjandi þar sem verðlaun voru veit fyrir það sæti.

Seinna mótið var ári seinna og þá var hringt í okkur og við beðnir um að taka þátt. Við vorum þá ekki búnir að spila brids í heilt ár og ákváðum að koma með "come back". Á því móti voru margir af þeim sem voru árið á undan en voru miklu betri ásamt nýju fólki. "Come backið" varð ekki en við vorum með ýmsa gamla takta sem við gátum sýnt þessu liði. Það sem ég man best eftir var að hópurin sem var að vinna tapaði helling af stigum á móti okkur. Góð spilamennska í fyrra skiptið en i seinna skiptið varð smá ruglingur á sögnum hjá okkur. Við vorum komnir í slemmuhugleiðingar(ná öllum slögum) þegar við vorum ekki með nein mannspil :). Það sem var svona gott við þetta er að þau sem við vorum að spila við voru með öll spilin og hefðu léttilega náð öllum slögunum. Þannig að mínus stigin sem við fengum voru ekki nálægt þeim stigum sem þau hefðu fengið ef þau hefðu farið í slemmuna. Því er hægt að þakka tígul trompinu sem ég og gummi vorum með nóg af.

Að lokum vill ég líka nefna það að ég spila golf og er með 34,0 í forgjöf ný uppfærð forgjöf meira að segja. Hún var fyrir sumarið 33,6 :)

Fróðleikur um sjálfan mig....

Sæl öll

Ég bý í Hvassaleiti 14 103 Reykjavík 78 fm íbúð sem við Þóra keyptum í Janúar 2007. Ég á afmæli 17. desember sem er vika frá jólum. Vegna prófanna undanfarin ár hef ég ekki haldið uppá afmælið mitt síðan ég var 15 ára. Margir halda að ég fái eina stóra afmælis og jólagjöf en það hefur aldrei verið. Ég er trúlofaður Þóru Kristínu Hauksdóttur síðan í júlí 2006. Foreldrar mínir eru Guðrún Lárusdóttir og Jóhann Gunnar Stefánsson. Þau skildu þegar ég var 3 ára og eru núna bæði gift Mamma er gift Vigni Sigurðssyni og Pabbi Sigrúni Dóru Jónsdóttur. Ég á 5 systkini og þau eru Aron Ólafsson, Ragnhildur Sara Arnarsdóttir, Stefán Gunnar Jóhannsson, Birna Sísí Jóhannsdóttir og Inga Rannveig Jóhannsdóttir. Ég er elstur í þessum hóp og ólst upp á heimili mömmu minnar með Aroni og Ragnhildi.

Þær íÞróttir sem ég hef æft er teakwando, fótbolti og badminton. ÉG æfði teakwando með ÍR og fékk hvítbelti með gulri rönd. Ég æfði fótbolta með 5.flokki Fram ég var á hægri kant skoraði á móti ÍR, Víking og Val samanlagt 3 mörk á ferlinum. Ég spilaði á mót Fjölni,ÍR,Val tvisvar,FH,Fylki tvisvar og svo Þrótti í úrslitaleik hausmótsins töpuðum 5 - 1 og fengum silfur. Ég æfði svo badminton með TBR í einn vetur. Ég afrekaði það að vera skráður sem aðstoðarþjálfari meistarflokks Ármans í handbolta í kringum 10 ára aldurinn. Pabbi spilaði með þeim og fékk ég stundum að fljóta með og var stundum setur sem aðstoðarþjálfari. Ég hef spilað tvo leiki í utandeildini með fótboltafélaginu Babylon sóknamaður með nokkur skot á mark. Spilaði nokkra leiki í utandeild í handbolta með Þursum og var kantmaður og skoraði 1 mark.

Ég hef fengið laun frá 19 fyrirtækjum og unnið hjá 17 fyrirtækjum í viku eða lengur. Eykt, Orka-SnorriG, HB Grandi, Unglingavinnan, Gatnamálastjóri Reyjavíkur, Spikk og Span, Bónus, 10-11, Háfell, Skúringar í brúarskóla, Stórkaup, Viðskiptagreind, TM, ÍAV, Liðveisla Álftanes, 365 miðlar, Alcan(Alcan-Riotinto), Hagstofan og Orkuveita Reykjavíkur. Ég tók þátt í vörutalningu í Bónus og 10-11. Síðan eru það Bókabúðin í grafarvogi og Hlöður sem eru fyrirtæki sem pabbi átti þegar ég var yngri og kom stundum fyrir að hann varð að vera í vinnunni þegar það var pabbahelgi og þá hjálpaði maður stundum til. Það var nú ekki oft og fékk maður laugardagsnammi í laun. Fjöldi fyrirtækja er ekki vegna þess að fólk var óánægt með störfin heldur þvert á móti yfirmenn á flestum stöðum voru mjög ánægðir með mig ég er bara með það í genunum að prófa nýtt.

Ég byrjaði í leikskólanum Sólborg fór síðan í hvassaleitisskóla og eftir samræmduprófin fór ég í menntaskólann við sund á eðlisfræðibraut. Ég var alltaf mikið undrabarn í stærðfræði hafði aldrei neit fyrir henni og fannst hún alltaf skemmtilegust í skóla. Það munaði 1 stigi að ég hefði komist á 50 manna úrtökumót fyrir ólimpíuleikana í stærðfræði þegar ég var í 3 bekk. Þá fékk ég að vita að ég var 63. besti menntaskólaneminn á landinu í stærðfræði.  Ég fékk skólaleiðinn í 10.bekk og mér hefur aldrei fundist skemmtilegt að læra síðan þá nema stærðfræði í menntaskóla. það er bara svo sjaldan sem maður les eitthvað áhugavert. Ég kláraði samt menntaskólann og byrjaði í byggingaverkfræði kláraði 1 ár á 2 árum hætti og fór að vinna kom aftur og tók 1 ár í hugbúnaðarverkfræði kláraði það eg er núna á síðasta árinu og hef skipt í iðnaðarverkfræði. Eins og ég sagði áðan þá er erfitt fyrir mig að hanga í því sama.

Það er tvennt sem ég fæ ekki leið á en það er tónlist og kvennmenn. Tónlist er eitthvað sem hefur alltaf fylgt mér og elska ég að syngja og hef alltaf gert. Ég tók uppá því að reyna að kenna mér á gítar í 4.bekk í menntaskóla og get strömað næstum því hvað sem er í dag ef ég hef grip. Ég er að reyna kenna mér á píanó núna og það gengur bara vel næst ætla ég að læra spila á ukuleleið mitt sem ég keypti á spáni  Ég hef gefið út tvo geisladiska "til hammingju" og "Priceless" ég hef glatað fyrri disknum en ég hef seinni á tölvunni og spila han alltaf þegar ég er að læra. Þetta eru 20 laga diskar sem voru teknir upp í einhverju flipi og á fyrri disknum var vika síðan ég eignaðist fyrsta gítarinn minn og ég gat bar spilað G og C og eru þess vegna öll lögin spiluð í G og C til skiptist ásamt því að gítarin er ram falskur. Ég er en að reyna finna eintak af honum. Seinni diskurinn er svo nokkuð betri þar sem ég get spilað á gítar rétt grip fyrir öll lögin. Ég er að vinna í nýjum disk þessa dagana sem ég vona að komi út í febrúar sem verður vonandi hægt að hlusta á. Því fyrri diskarnir eru ekki fyrir alla. Hvað varðar söngin minn þá hef ég fengið commentin "Er þetta nauðsynlegt?","Æi, Davíð" hef líka fengið að heyra "Rosalega synguru vel", "Þú ert með fallega rödd" seinni commentin heyri ég venjulega frá fullum stelpum.

Þegar ég var yngri þá spilaði ég mikið tölvuleiki og afrekaði það að vera Íslandsmeistari í Sydney 2000 með því að skrá besta heldar stigafjölda á Íslandi á netið. Ég spilaði mikið leik sem hét Day of Defeat og varð Íslandsmeistari í honum ásamt mínu liði. Þetta sama lið vann alþjóðlegar deildir nokkrum sinnum og tók ég þátt í því. Ég hætt að spila eins mikið og áður vegna þess að ég byrjaði að stunda miðbæinn en ef ég hefði haldið áfram að spila hefði ég komist í landsliðið. Maður var svo svakkalega mikið nörd.

Ég hef átt 3 bíla Mazda 323 '89, VW POLO '97 og nýjasti er KIA SPORTAGE '01

Ég er byrjaður að ganga með gleraugu og er að nota -0.75

Uppáhaldsmatur er saltkjöt og kjötsúpa

Ég hef afrekað það að þyngjast um 16kg á 3 mánuðum.

Ég hef farið til : Ítalíu, Vatikansins, Grikklands, Tyrklands, Englands, Spánar, Bandaríkjanna, Vestmanneyja og Svíþjóðar. Silgt inní landhelgi Albaníu.

 Ég hef veitt 6 fiska á flugu en engan á maðk eða spún.

Ég hef átt heima á 16 mismunandi stöðum oftast í breiðholti. 10 mismunandi stöðum fyrir 6 ára aldurinn. 

Mesta sem ég hef átt í plús á bankabók er 500.000 kr.

jæja þetta er full langt held kannski áfram með þetta seinna ef mig langar að bæta einhverju við.

Sögumaður kveður

Japanskur húmor er bestur.

Að syngja í bílnum

Ég fór að stúdera þetta áðan og það er kannski vegna þess að ég syng alltaf í bílnum. Farðþegar í gömlu mözdunni kannast kannski best við það. Útvarpið dó mjög snemma á þeim tíma sem hvíta þruman var í minni vörslu og þá var ekkert um annað að ræða en að syngja á milli áningastaða. Bíllinn var útvarpslaus í eitt og hálft ár en ég varð aldrei var við það. Þegar ég fór í honum í löngferðalög voru ferðafélagar mínir alltaf með söngbækur til að hafa eitthvað að syngja á leiðinni því þessar 2 bækur sem voru alltaf í bílnum voru stundum eins og ofspilaðir geisladiskar.

Það er ekkert skemmtilegar en að garga uppáhaldslagið sitt í bílnum þegar það heyrist í útvarpinu. Það sem er skemmtilegra er að sjá aðra í umferðinni garga sig hása. Ég tek nú venjulega uppá því að leita í útvarpinu að laginu sem hinir eru að syngja og verð fyrir vonbrigðum ef þeir eru að hlusta á geisladisk.

Það er líka gaman af hegðun bílsöngvarans þegar hann tekur eftir áhorfendum í öðrum bílum. Sumir halda bara áfram en aðrir snúa hausnum í hina áttina og syngja lágt. Ég fór að taka eftir því að allir hætta að syngja á rauðuljósi. Það hlítur að vera afþví að maður lítur oft í kringum sig á rauðuljósi til að skoða nærliggjandi bíla. Það er líka á þeim tíma sem engin vill ná augnsambandi þú starir í bílinn hliðiná þér þegar einhver þar snýr sér í átt að þér þá horfir þú annað. Þannig að það er alltaf eins og þú sért eini að kíkja samt veit maður að aðrir gera þetta líka. Þannig að þótt þú sért að syngja og lítur í kringum þig og engin er að horfa þá voru samt flestur að horfa. Þetta er eitthvað grafið í undirmeðvitundina

Sjálfur syng ég þótt ég sé með fólki sem ég þekki lítið sem ekkert. Það eru samt flestir sem syngja bara þegar þau eru ein í bíl og þekki ég nokkuð af því fólki. Það væri gaman að vera fluga á áklæði hjá þeim.

Ríka fólkið

Sæl öll

Mig langar að skjóta á svolítið sem mér finnst pirrandi.

Nú er ægilega vinsælt hjá fólki að grenja yfir hvað Pétur og Páll hafa miklu hærri laun en það sjálft. Þetta sama fólk kvartar yfir að þetta lið kaupi sér bara hlutabréf fyrir margar milljónir og græði milljarði. Síðan heyrir maður oft hvað hefur þessi að gera við allan þennan pening.

Þetta fólk er yfirhöfuð einstaklingar sem vinna 8 tíma á dag 5 daga vikunar og hafa ekki áhuga á að vinna lengur en það og vilja flest þeirra ekki taka að sér álag á vinnutíma í t.d. formi ábyrgðar. Fólkið sem er með ofurlaun er að vinna vinnu sem hefur gríðarlegt álag innan vinnu sem utan.

Allir hafa gert mistök í vinnu og fyrirtækið tekur það á sig. Þessir ofurlaunamenn geta tekið fyrirtæki og grandað þeim með mistökum. Dæmi um það var orkufyrirtækið ENRON sem fór skyndilega á hausin 2001 og hrundu hlutabréf í fyrirtækinu úr 90$ og niður í penní. Þar voru 2 yfirmenn handteknir og dæmdir annar í 20ára fangelsi og borga 680milljón$ í bætur hinn fékk 45 ár en dó úr hjartaáfalli það voru fleiri sem tengdust þessu gjaldþroti og tveir þeirra drápu sig. Ég mæli með að fólk horfi á heimildarmyndina um þetta gjaldþrot "The smartest guys in the room". Menn með milljónir í laun á mánuði klúðruðu málunum og lífið á enda.

Kannski ýkt dæmi en það eru til fullt af dæmum um klúður ofurlaunamanna sem hefur endaði illa Albert John Dunlap og klúðrið í Sunbeam. Hann seldi fyrirtækjum vörur sem hann geymdi á sínum lager og sendi þeim þegar þeir vildu. Fyrirtæki keyptu fleiri vörur en áður og fengu magnafslátt sóttu svo bara hluta vörunar þegar þeim hentaði. Það varð til þessa að lagerinn hjá Sunbeam sprak. Hann var rekin og varð að borga 15milljónir$ í skaðabætur. Ég veit ekki hvort fólk geri sér grein fyrir hvað 15M$ er mikið, launahæsti íslendungarinn í fyrra var með 65Milljónir á mánuði það tæki hann 2,5 ár að borga skuldina ef hann myndi greiða allt sem hann á eftir skatt.

Þetta með hlutabréfin sem ég nefndi efst. Það á ekki hægt að kvarta yfir því að þessir mnn stundi fjárhættuspil. Auðvita vinna þeir oftast en eru ekki venjulega sömu mennirnir sem eru á úrslitaborðinu í "World Poker Tour". Með reynslu og þjálfun er hægt að taka heppnina úr umferð. Það sem ég segji venjulega við fólk sem er að kvarta yfir því að ríkt fólk græði á hlutabréfum er það að allir geta keypt og selt hlutabréf það þarf bara að þora líkt og í fjárhættuspilum.

Það er líka mjög svo skemmtilegt að heyra fólk segja hvað hefur þessi að gera við 65 milljónir á mánuði. Því er auðsvarað það sem honum dettur í hug hvort um sé að ræða ferðalög eða fleiri fjárfestingar. Þetta eru nú ekki nema í u.þ.b. 75 ár á þessari jörð og um að gera að uppgvöta sem flest á þessum tíma og besta leiðin til þess eru peningar "Money makes the world go around". Alltaf gaman að heyra þessa yndislegu setningu "Helduru að hann sé hamingjusamur?" eins og ríkt fólk geti ekki verið hamingjusamt. Bróðir afa míns var Ingvar Helgason mjög ríkur maður og mjög hamingjusamur.

Davíð Kveður 

Þetta er hlutur sem ég hef verið að pæla í....

Sæl öll

Fá leikmenn í fótbolta launaseðil? Þetta var ég að velta fyrir mér fyrir ekki svo löngu en svo kemur í ljós að svo er.  Launaseðill leikmannsins John Arne Riise sem spilar með Liverpool lak á netið og hann veit ekki hvernig það gat gerst. Á seðlinum kemur fram að nettó tekjur Riise eru 139.634 pund á mánuði og að hann er með 4.000 pund fyrir hvern spilaðan leik. Einnig kom fram að hann fékk 15.385 pund fyrir þátttöku Liverpool í meistaradeildinni. Eftir skatta voru laun hans 82.413 pund, 55.508 pund voru tekinn í skatta og 65 pund voru dregin frá vegna matarkostnaðar.

Ég veit ekki hvernig ég var búin að hugsa þetta en afhverju mér hefur aldrei dottið í hug launaseðill er kannski skrítið. Það er bara eitthvað svo súrealískt að sjá hann fyrir þér á heimabankanum að athuga hvort hann hafi fengið útborgað og það litlar 10 Mills íslenskra króna..........

Davíð kveður 

 

Það gleður mig að tilkynna!

Sæl öll

Það tókst á endanum nú geta allir sem vilja hlustað á þetta gullfallega lag Are you then gone ´

Njótið vel

Listamaðurinn Börkur kveður

Biðin verður lengri

Sæl öll

Vegna vanhæfni minnar í að taka lag sem er á geisladisk og flytja á tölvuna þá mun lagið are you then gone ekki koma inn alveg strax. Ég er búinn að rannsaka þetta mál betur og komst að því hvernig á að tækla þetta verk. Það er ekki bara vanhæfni mín í svona þjófaháttum sem er vandamálið það eru einnig varnir á þessum geisladisk sem voru settar á sínum tíma til að forða geisladisknum frá limewire, napster, kazza og álíka skrárskiptiforritum. Hljómsveitir fá ekkert að byggja sig upp ef þessi forrit eru alltaf til staðar.

Fólk sem er ekki í hljómsveitum skilur þetta ekki. Ég held að engin væri til í að missa 40% af laununum sínum "af því bara"

Reynum að sýna tilitsemi

Listamaðurinn Börkur kveður